金滿堂甜品

营业中

休息中

呢间舖头唔知点讲，都有啲感情嘅，记得六、七年前嘅中秋，我同一大班朋友，仲有而家系我老公嘅男朋友去旧启德机场烧烤，玩到半夜之后行去九龙城揾糖水食，撞吓撞吓就去咗呢间店嘅第一代舖，当时仲系一个一百呎左右的舖头，入面净系得厨房，冇枱嘅，客人全部要坐系门口度食，我哋一行五、六人就是旦坐低咗，老板娘亲自嚟招呼我哋，佢自己出咗啲灯谜贴咗喺墙度，同我哋一齐猜，又讲佢开舖嘅理念，仲请我哋食佢当时最新的创意甜品－绿茶汤圆！之后我哋一路都成日去帮衬。但系自从佢搬咗大舖，又开埋分舖后，啲咁嘅场面都要变哂做回忆嘞，佢再唔会同啲客SOCIAL，净系叫啲伙记做嘢，带位，收钱，仲好似唔记得哂我哋咁，不过算啦，系咁架啦，时间改变一切！今日我同老公又嚟默默支持佢嘞，我哋叫咗： 榴梿飘香： 真系好有榴梿味，仲系好靓嘅榴梿添，又香，又浓，又甜，连我唔系好食榴梿嘅人都觉得好好味，我老公次次都叫呢个，食极都唔会厌！ 蓝精灵：其实系刨冰，啲酱太甜嘞，记得要捞匀先好食，唔系会之前太甜，之后又太淡，无咩生果味，好似食紧糖水捞冰，我觉得好唔掂，唔值二几蚊！唔推介！虽然老板娘起哂饼唔记得人，不过我都会继续帮衬嘅，因为我上咗榴梿瘾！