居素屋日本野菜料理

营业中

休息中

食肉兽最怕口淡淡又食唔饱，呢间日式素食我绝对会encore！中华冷面lunch set ($98+$15) 配3款前菜+甜品第一次试蒟蒻面，质感有d似素海蜇，比芋丝更爽口弹牙。冰冻既面、蕃茄、蛋丝同各种野菜索满清新既冷面汁，另附即磨芥辣，丰富既味道完全唔似食紧斋。作为前菜既牛油果沙律份量超多，下面系椰菜丝配芝麻酱，饱肚之选；家常菜筑前煮将莲藕等蔬菜炆得甘甜软糯；纳豆拌秋葵冇乜味，但我钟意秋葵轻松食哂，仲对肠胃好健康添。主食仲可以拣拉面、素面、糙米饭等，经常有新野，黎到未必食到我呢个组合架~ 食材新鲜、用心烹调，仲争d饱到食唔哂，唔洗再食d扮肉既假斋喇。