養珍品牛肉麵 (已結業)

见门外介绍唔错就入去试。碗牛肉面好贵，但墙上典故讲到咁劲，就谂住试下啦。仲叫咗夹馍、葱饼、肉燥饭同豆浆。几样嘢，人客咁少都等好耐！坐坐下发觉其他两三个客人全部都是用团购优惠券的…心谂，今次系咪中计呢？ 终于，肉燥饭出场，个碗好大㖞！…但系只装三分一！d肉碎好少，得汁，D汁好水，饭都唔多，唔知点解有食评话系珍珠米，我地果日食D米又瘦又干，似印度米多d。味道很一般。牛肉面牛肉唔多，肉质ok啦，d面好少，面太冧，d汤唔觉有乜咁特别，唔觉有好多料啰… 多番催促，葱饼终于出现，好细只，又整得唔够熟透，外皮面粉心仲系生生地！夹馍里面d肉少到就嚟见唔到！夹馍皮完全唔系专业水准。总之，差到如果免费比我都唔想食！ 最后，豆浆始终失纵，我地都费鬼事再催！止蚀！ 整体而言，除咗牛肉面，其他都唔合格，但牛肉面咁贵，又唔系特别好食⋯漏咗，其实D面条都唔得，系得牛肉合格！ 我地都试过星街同广东道牛肉面，人地真系物有所值，取价合理。呢度？ 如果想做笨八，就去试下啦。