翠園 (德福廣場) (已結業)

呢间食店都算做老字号, 记得师傅从前经常都会去尖沙咀间老店, 点知时移势逆下间食店终于折埋左, 咁o岩寻晚师傅路经场此地, 见好耐都冇试过, 咪谂住入去缅怀一番, 于是就去接待处拎张飞仔, 谂住等一阵啦, 睇知咁好彩唔使等位㖞, 于是乎就行入去啦! 沿路九曲十三弯, 行左大约十秒到先到晚饭大堂, 一眼望见得十几张晚饭枱 , 唔算旺, 但系师傅企左系度一阵都冇人带位招呼, 于是乎索性自己揾位, 终于揾到张枱 喇, 埋到去都依然一个人招呼都冇, 有冇搅错呀? 咁大间酒楼揾个伙计招呼都冇, 大佬你呢度要收加一架, 师傅火都黎咪唔鬼帮衬, 即闪啰!师傅觉得就算d食物几咁好味, 就算食左识飞都好啦, 如果招呼系咁差就等执都得啦! 总括黎讲第一个印象已经好差, 今次食物就未试但系服务就肯定系好差, 如果可以比零分的话, 师傅一定会送只蛋过佢呀, 真系一肚气, 下次仲会唔会黎就未知, 不过可以肯定系短期内都唔会黎住, 费事激亲!