燒烤堂 (已搬遷) 新店位置

话说一早打电话嚟book咗张枱黄昏6:00，当天中午确认时间8:00前要交枱，两个人系第一张枱到达，当时成间舖都未有客人，安排我哋坐一张好窄嘅两人枱，我同个侍应讲我想转张枱，佢话啲枱7:00、7:30已经有人book咗，佢建议我坐张枱底系摆住啲石油气罐嘅枱，佢话仲可以加多张凳俾我摆嘢，但𠮶张凳系胶嘅圆凳，两个人坐嘅𠮶张凳都系胶嘅圆凳，我当然接受唔到啦！跟住我同佢讲，你比𠮶张7:00𠮶张枱我啦，我7点前一定离开！𠮶侍应一啲笑容都冇，但都帮我转左张四人枱！食物呢大致上呢就好一般，上枱嘅碟都有嘣！另外，水都冇一杯嘅！最终响咁嘅环境气氛之下，消费左$476，我6:45就离开啦，绝对相信冇可能有下次！