強記小廚

营业中

休息中

最近天气转冷，就好想去食个羊腩煲，男朋友search到呢间强记ge羊腩煲都多人赞，所以今晚就专登去食啦。因为睇其他食评话7点就开始full，所以我地6点几就去到，坐低谂住即刻点个羊腩煲先啦，点知职员话羊腩煲停左好耐！无奈地出面落紧大雨，我地都费事再行泥行去，一于试下其他小菜啦。麻香爽鱼皮先来一碟爽鱼皮，鱼皮偏厚身，入口非常爽脆，份量亦算多，$40大大碟好抵食！辣酒煮花螺辣酒辣度唔算好辣，个汁都几惹味，花螺ge size偏大，入口就有点韧。榄角冰梅骨一粒星都唔想俾ge系列！望落以为大大旧，咬落去都去大部份都肥膏，咬到肉ge位又好鞋好韧！个汁又食唔出系咩味！煎蚝饼又系一粒星都唔想俾ge系列，眼见差不多每枱都有叫一碟，的确系大大碟，蚝仔份量都算多，但粉浆份量仲加多，油腻到好似食紧啖啖油咁！食完仲口渴左成晚！去到7点几已经坐满人，环境非常嘈吵，食完都觉得好头痛。小菜价位算合理，可惜食物质素未如理想。