寶蓮禪寺齋堂

营业中

休息中

一家大细拣左系星期五去昂坪行个圈，出发之前已经谂住要去食下斋，食少餐肉当系清下肠胃。从昂坪360到斋堂大约要行10分钟，到达斋堂嘅时候都差唔多两点半，入去食饭前要先系门口拣定要边个餐，比左钱，先入去坐低等食。天气好热，阿姨好友善咁叫我地饮多碗菜干汤。我地拣左珍味斋，每位$110，比完钱后入去饭堂坐低等食，可能因为时间同依加仲系疫情关系，冇咩游客到访，有好多位比你坐。上菜好快，四𩠌一汤，分量岩岩好，味道都唔错，炸春卷外皮香脆，冬菇小白菜都好入味，菜干汤真材实料，推介大家到昂坪可以一试宝莲襌寺斋堂。