船皇 (謝斐道) (已結業)

平日大概夜晚八点去到，唔使排队可以直入。心思思想试船皇汤面，因为乜都有齐可以试晒。不过猪润同河粉已经卖晒，唔紧要啦蛋面我都啱食。加咗一蚊升级做和牛船皇汤面。唔使5分钟就有得食，配料丰富，有和牛，牛丸，鸡翼，猪腩肉同猪肉丸。味道浓郁带少少甜，都几好味。不过我个蛋面卷埋一Pat，好难分开，食起上嚟有啲困难。同埋份量唔多，男仔未必够饱。另外跟餐嗌咗泰式奶茶，奶味比较浓郁，偏甜。不过泰式奶茶大部份都系比较甜，佢系算比较少甜𠮶只。