新德里餐廳

营业中

休息中

呢一间系我第一次去重庆大厦食嘅餐厅，从来都未入过去重庆大厦嘅我，啱啱入去嘅时候有少少惊，不过上到去之后个感觉又令我有新嘅睇法，入到去餐厅都几大入边都有一啲香港人喺度食紧野，我哋俾人安排到一个比较角落嘅位置，餐厅播住一啲印度式嘅纯音乐都令人觉得几轻松，侍应都好热情咁样介绍餐单入边嘅食物亦都有一啲推介，我今次拣咗食新德里炸鸡、芝士煎饼、咖喱烩羊肉、青柠梳打同埋芒果乳酪。整体食物都几好食，特别系芝士煎饼，因为个人特别比较喜欢一啲香口嘅食物，呢个煎饼点㗎呢非常之夹。题外话，喺食物嚟之前餐厅侍应会比一盘薄饼，而𠮶个薄饼系可以点枱面嘅两种酱汁，我相信一种系烧烤汁，而另一种应该系辣豆酱。𠮶只炸鸡其实都几好食，唔系𠮶种炸到好干身嘅炸鸡，而系入边都有滑溜嘅感觉。个羊肉相对上有啲逊色，虽然个咖喱汁都好好味但系个羊肉就有啲干。不过整体来讲，其实呢一间餐厅CP值都几高因为都好平同几好食，但你叫我食多一次我就会宁愿拣其他印度餐厅。