星之戀

营业中

休息中

其实第一次光顾，因为喺三楼所以好多时候去到 op mall 都冇谂过原来呢度有一间 中式酒楼可以饮早茶.... 呢度嘅好处就系如果好似我今日咁好彩 ，同家人就可以坐到窗口位，仰眺蓝不勒海的美丽风景(大家亦可以参照我所影过的相) 早晨有孖宝当然唔好嘥叫咗两个， 鸡饭同埋生煎包； 另外一个就系 龙虾汤鲜竹卷同埋百花酿三宝； 此外我在家咗鱿鱼， 早晨特价嘅猫耳朵牛肉同埋蒸排骨。 有啲惊喜杯茶唔错 起码冇𠮶种苦涩味， 铁观音第一炮 饮到尾都算系咁。 少少唔开心咪就系 好似 咸咗少少，唔知系落重咗定系落咗比较劣质嘅盐。 腊味鸡饭真系都算系咁，如果再加多小小肉紧就能够做到虾仔饭𠮶种香味，希望佢哋继续努力。 排骨就一般比较韧， 蒜蓉蒸鱿鱼好正不过都系比较韧。 大底来说都会再嚟帮衬，不过好可惜朝头早原来要十一点半前埋单如果唔系茶水就会计多些小。