影片
更多
2020-06-20
53 浏览
五星级酒店价钱，地痞大排档嘅服务水平。今日系第一次去，不过都好肯定系最后一次去，以后有人请我都唔会再去。我好少会喺OpenRice写食评，不过呢间餐厅真系差到唔讲唔得。今年系小弟第一次做父亲节主角，满心欢喜地同老婆外家全家去食饭，我哋一行九个大人加三个手抱婴儿，book左夜晚7:00，冇错，我哋系迟咗两个字，我哋7:10一群人抱住三个BB冲住去攞枱，门口个凶神恶煞嘅reception，第一句好唔客气地同我哋讲，话打咗三次俾我哋都冇人听，我哋抱住几个BB去食饭迟左少少讲嘢使唔使咁唔客气，佢哋见我哋人多，带咗我哋去VIP房，咁VIP房装修唔错，望落去都几企理，不过个冷气好流，外面30几度，我哋喺𠮶间所谓嘅冷气房食饭食到滴晒汗，食物水准中规中矩，有好多人话价钱贵，我就觉得出嚟食饭佢又唔系话贵得好过分，要悭就不如系屋企自己煮啦，不过服务态度真系好差，讲真，我哋有三个手抱婴儿，都唔会坐张枱坐好耐，食饭食咗个半钟，三番四次吹佢个金边粉，去到9:00佢先同我讲话师傅未够钟煮炒粉面，我真系忍唔住问佢，你哋个厨师唔系照住客人想食乜嘢而煮嘅咩？乜原来要睇自己时间表㗎？个姐姐好似懒搞笑咁同我讲话今日嘅安排有
今日系第一次去，不过都好肯定系最后一次去，以后有人请我都唔会再去。
我好少会喺OpenRice写食评，不过呢间餐厅真系差到唔讲唔得。
今年系小弟第一次做父亲节主角，满心欢喜地同老婆外家全家去食饭，我哋一行九个大人加三个手抱婴儿，book左夜晚7:00，冇错，我哋系迟咗两个字，我哋7:10一群人抱住三个BB冲住去攞枱，门口个凶神恶煞嘅reception，第一句好唔客气地同我哋讲，话打咗三次俾我哋都冇人听，我哋抱住几个BB去食饭迟左少少讲嘢使唔使咁唔客气，佢哋见我哋人多，带咗我哋去VIP房，咁VIP房装修唔错，望落去都几企理，不过个冷气好流，外面30几度，我哋喺𠮶间所谓嘅冷气房食饭食到滴晒汗，食物水准中规中矩，有好多人话价钱贵，我就觉得出嚟食饭佢又唔系话贵得好过分，要悭就不如系屋企自己煮啦，不过服务态度真系好差，讲真，我哋有三个手抱婴儿，都唔会坐张枱坐好耐，食饭食咗个半钟，三番四次吹佢个金边粉，去到9:00佢先同我讲话师傅未够钟煮炒粉面，我真系忍唔住问佢，你哋个厨师唔系照住客人想食乜嘢而煮嘅咩？乜原来要睇自己时间表㗎？个姐姐好似懒搞笑咁同我讲话今日嘅安排有啲失策，其实最失策嘅系我哋，唔应该去呢间餐厅食饭，好多人都惯咗要有啲粥粉面饭落肚先饱肚，唔通我哋抱住几个BB等到夜晚11-12点等你个炒粉面，我哋其中一个BB对杯青柠梳打上面一个小摆设有兴趣，揸住系咁玩，个姐姐好似惊我哋会偷咗佢咁同我哋讲临走前记住要摆低，全场人即刻O晒嘴，其实𠮶刻我好想闹个姐姐，不过我见啲长辈都未出声，我费事咁多口，不过我觉得呢间野又唔系百分百垃圾，佢哋啲啤酒生啤选择几精彩，最衰我要揸车，如果唔系应该会丧饮，我衷心觉得佢哋系一间酒吧，实在说不上系一间餐厅。大家去呢间餐厅食饭之前最好食咗啲嘢打底先，因为一定唔够饱。
张贴