古早味台灣原味 (已結業)

人生在世流流长都未试过食台湾野，平时台湾野比我既印象就净系鲁肉饭同肉燥饭所以都冇乜兴趣，但今晚个朋友突然之间话好想食台湾野，系佢既极力鼓励下我地上网揾到呢间，首先出升降机就见到好多人排紧队，应该有好多人食，所以都几好奇究竟有咩食，到去环境几舒服，有足够空间比人行，我地拣左坐bar台因为唔洗等，职员见我地咁住背囊又主动同我哋讲枱下面可以挂袋，食都食得舒服4啲，我地一口你气叫左四样野食同饮品，首先系芋香牛奶又系试新野，芋味都几香而且唔会话好甜，奶味同芋味平衡，我同朋友都好中意饮，跟住就系蚵仔煎，蚝,蛋同胶浆面粉既比例啱晒，唔会好重粉味，而且每啖都食到蚝配埋个酸甜汁，完美，古早味牛肉面都系好impress，汤香肉腍！！块牛肉又厚又够juicy!! 个面系阔条面，好好咬口，至于台式小云吞真系好细粒，一啖一只，味道正常，仲有葱馅饼，真系估唔到入面竟然有汤! 不过如果可以落少啲油煎会好啲，总括而言呢间台湾菜比我一个好好印象！