Lawry's The Prime Rib (已搬遷) 新店位置

听闻呢间餐厅做到月尾就要结业了,所以决定试一试老牌餐厅既牛扒,order了 classic set。餐汤转了龙虾汤,好足料既龙虾肉, 个汤好浓味,绝不马虎,值得一赞。沙律会系你面前准备, 特意安排一支冻叉进食,看似讲究, 但我觉得分别不大,整件事系觉得新鲜。主角出黎, 我就叫左medium, 食落去口感唔错, 牛味重, 配埋个sauce好夹,反而个pudding食落好干, 味道淡淡的。甜品系tiramisu, 我平时少食甜品但今次都几钟意, 唔会太甜, 口感滑溜, 食到阵阵既咖啡味, 加唔少分。过程中,有一些少插曲, 就系问侍应洗手间系边, 佢呆左和"er"左一阵... 高级西餐厅最简单既对答也应接唔到, 少许失望,但整体食物是满意的。