金鳳大餐廳 (金鳳樓)

营业中

休息中

第一次尝试，见到网上评论系好坏参半，但始终都系要试过先知好定唔好~入到去环境就系旧茶餐厅嘅格局，点咗两个扒餐，分别系鸡扒同鸳鸯扒，配餐有餐包，汤同咖啡，一上铁板，就系果种传统嘅铁板扒嘅feel，非常够风味，淋上汁，铁板嘅滋滋声仲持续咗一阵，酱汁只有烧汁同黑椒，但酱汁唔系好稀，味道唔错，黑椒味道不太浓，个人觉得适合，始终口味都系因人而异，重点扒嘅分量都几多，有两大块，肉质嫩，搭配酱汁味道十分唔错，配餐嘅汤选择咗忌廉汤，个人觉得个汤唔系我钟意嘅口感，稍微有点稀，餐后再饮杯热咖啡~总结今次嘅尝试，个人觉得唔错，性价比较高，下次有机会都会再去！