陳記燒鵝花園餐廳

营业中

休息中

已经嚟过深井食烧鹅好几次，今次系第一次嚟深井食午饭，帮衬陈记亦系第一次，但亦都系最后一次⋯陈记位于马路边显眼处，午餐时间都坐满九成半客人，个个都系食碟头饭，就系见咁多人，不如试一试!由于室外位置都坐满人，所以被员工安排去坐室内⋯环境相当⋯餐台对坐好窄！而且好污糟⋯餐牌痴笠笠⋯⋯心谂：算啦，都系食个lunch...好快就走⋯众多碟头饭中拣左个烧鹅饭⋯冇记错就应该4x蚊一碟⋯嚟到见到个卖相何其差！菜都冇条送⋯烧鹅皮已经唔再脆，多肥少肉⋯味道一般⋯山长水远嚟食一个咁一般嘅烧鹅饭⋯酸梅酱味道烧鹅汁味道烧鹅肉味碟头饭摆相环境服务卫生咁嘅价钱咁嘅质素？sorry...再评唔到落去⋯其实陈记个名气都唔细，但以烧鹅闻名，却好似唔太尊重烧鹅嘅味道同品质⋯不过⋯如果烧鹅生意做得好，都唔使靠午市做碟头饭吸客喇！冇下次喇。