無麵不歡 - 中華私房粉麵 (已結業)

成日想尝试螺蛳粉，平日揾咗朋友去试。我地午饭时间左右去，餐厅虽然近地铁站，位置唔易揾。一去到就有位坐。我哋叫咗一碗柳州螺蛳粉，一锅蚬，两罐汽水share食。柳州螺蛳粉卖相好吸引，好多配菜，好多人都话佢嘅味道唔系个个接受到，我都系抱住挑战一下嘅心态，冇谂过会几钟意个味。闻落去其实似系街市经过卖榨菜嘅档摊果阵味，食落辣辣地，越食越过瘾。另外叫嘅一锅蚬，卖相同样吸引，汤底礼奶白色，又有粟米同埋好多蚬，味道咸香，好好味。整体来讲，服务良好，侍应主动介绍加钱可以有任食配菜，不过我哋两个人就冇叫到。食物质素良好，味道好加上分量足够，性价比高。平均一个人大概食左80 蚊到。