翠苑甜品專家 (已結業)

没有最差既服务态度，只有更差！同朋友行完见到间糖水舖谂住黎试下，一坐底个店员就黑住面问你食咩，好似好赶时间，都明既始终都系繁忙时间。叫左碗西米露，同佢讲话要热，佢好唔耐烦咁答「涷啊」，以为佢问我系唔系要「涷」，就答返佢要热啊唔该，点知佢劲大声闹返我「西米露得涷渣啊姐！」，我当堂吓左吓，心谂你一早讲「得涷架」咪得啰，你又要简化你自己既说话又要人明！个下心情超差，但朋友叫左既糖水又上左台面，想走又走唔到，惟有忍埋啦啦声食完走。点知埋单个阵，同朋友计好数走去比钱个阵，另一个又系黑面既店员又话我比少钱，我心谂我对住张menu计都错，就走去谂住拎张menu睇清楚个价，个店员仲大叫「唔洗睇啦，你系比少左就比少左」，当下火都黎，嬲到震，好似我想食霸王餐咁，成间店既人都望过黎，个种场面完全好𤓓好冇面！另一个黑面店员细细同佢讲「你计错人啦」，佢先黑口黑面咁收钱！连道歉都冇！我明，咁细间糖水店唔应该同佢讲咩「今时今日咁既服务态度唔得架」，但都唔系好似个客争你几百万既样啊！我食野都系想放松下心情姐，唔系比钱买难受啰！我自己本身都做服务业，都明白你点对人，人就点对你，但可能佢觉得自己多生意，唔在乎人地点谂啦，