金西南米線

营业中

休息中

自从喺铜锣湾返工，要谂食乜都好烦，今日Lunch 想食薯粉又近登龙街𠮶边，徘徊一阵，见平平地就食金西南，叫左鸡翼大肠小锅薯粉，攞返公司一打开，完全唔系我想食嘅野，得大肠是对的，变左做大肠腩肉小锅米线啰。当我打电话同个呀姐讲我啱先买𠮶碗野唔啱，我叫薯粉唔系米线，个呀姐重话系沟通问题，完全好似员工佢永远是对的，顾客就永远是错的，之后叫我攞返碗野去换返，我心谂你出错，又要我由四层楼梯再落返去再行过去换返，乜唔系应该你送返碗野俾我咩？我行到去换，个呀姐重问我有无食过，质疑我，我已经成碗原封不动俾返佢啦。我问佢你唔系煮过碗俾我咩？佢态度差到话，紧系煮过碗俾你啦，点分番开啲米线呀。我心谂而家你俾错我，你重要闹人，咩服务态度呀？攞碗野返到公司已经一肚火，饱哂，真系当时早知叫佢退钱俾我算，重有碗野愈食愈咸，好难食。经过今次，唔会再食，真系贴钱买难受。如果大家想试下贴钱买难受嘅感觉，不妨可以一试。