鴻發餐廳小廚

营业中

休息中

两个人食叫咗鹅片、大肠墨鱼、萝卜猪皮、蚝仔粥。碟鹅片一上枱发现唔对路，卖相同烟鸭胸一样，完全唔似平时起肉𠮶啲，食落又鞋又韧仲真系有烟熏味，当时真系想开口问伙记呢碟系咩嚟，但惊俾人话唔识食，所以算数。到蚝仔粥，基本上系白饭加滚水再加蚝仔，完全无应该有嘅鲜味，记住蚝仔系叫加落去，原全无煮过咁，生嘅一样，大哥，我唔系叫生蚝粥，所以食咗两啖唔知饭定粥就食唔到落去。大肠墨鱼算正常啲，萝卜叫做𣺉嘅。最后埋完单喺门口望返啲卤水鹅，全部瘦瘦削削，真系唔知点样变咗鸭胸咁多肉出嚟，唔知可唔可以去报商品说明条例。其他唔想再讲落去，都系坐得唔舒服、似老板娘嘅物体系度闹啲伙记嘈住晒、催嘢食都系话嚟紧咁啰，呢间嘢迫到我第一次写评论，可想而知。