Belly Soul (已結業)

昨日喺附近上堂，之前一晚专登揾餐厅食饭，呢间餐厅一直想试，所以终于有机会试啦。大约12:40到，等咗一段时间，初时以为因为佢即叫即整，所以咁耐。眼见到之后嚟嘅四个人都攞晒餐，去柜台问先知我张单漏咗。主食嚟到已经13:10，好急咁13:25左右食完冲去上堂，好彩只系迟到咗几分钟。印象中青咖喱鸡胸野菌椰菜花饭唔错，野菌有轻微炸过，脆脆哋。特浓朱古力一般，唔系特浓。生酮开心果芝士蛋糕冇开心果味，口感一般。整体完全享受唔到食物，应该唔会再帮衬。