影片
更多
2015-06-07
534 浏览
亲友问我有冇兴趣星期六晚食饭。有饭食，当然食。经过一轮讨论，话想食潮州菜。有咗方向，就开始想去边间食。上环个间？九龙城个几间？唔好搞啦，我最怕冇位泊车，仲最憎D代客泊车，将D车泊满马路两旁，因为对所有道路使用者都构成危险！百乐，以前经过铜锣湾的老店门口，看见挂在橱窗的大红蟹，印象很深刻，不过冇帮衬过。点解？因为被门口的气派震慑了。这几年，百乐开始开分店，不过还是无缘吃上，试过星期日中午在圆方想walk in，不过全店满座，门口靓女善意提点客人都是刚坐下的，咁自己醒目啦。今次选这分店，交通方便嘛！我又有停车场，提前订台，咁就唔洗惊冇位啦。打开餐牌，里面有很多时价的菜式，不过也有很多是明码实价的。我开张名义已经申明呢餐饭系唔会有冻蟹同鲍参翅肚的，大家不要心存幻想！今天“宴请”的小主角其实是半个潮州人，不过小朋友并不知道潮州菜食D乜，但是她的记忆里面有一样嘢，糖醋面。读完“书”，开始点菜啦！第一味，烟鳝。不过侍应生说：“对唔住，这个没有。”这个是店的signature dish bo，点解会冇ga？ 咁，就唯有忘记它吧！好彩以下的都有：柠檬鸭汤、鹅片、石榴鸡、云耳浸胜瓜、蚝仔粥、糖醋面。
有咗方向，就开始想去边间食。上环个间？九龙城个几间？唔好搞啦，我最怕冇位泊车，仲最憎D代客泊车，将D车泊满马路两旁，因为对所有道路使用者都构成危险！
百乐，以前经过铜锣湾的老店门口，看见挂在橱窗的大红蟹，印象很深刻，不过冇帮衬过。点解？因为被门口的气派震慑了。
这几年，百乐开始开分店，不过还是无缘吃上，试过星期日中午在圆方想walk in，不过全店满座，门口靓女善意提点客人都是刚坐下的，咁自己醒目啦。
今次选这分店，交通方便嘛！我又有停车场，提前订台，咁就唔洗惊冇位啦。
打开餐牌，里面有很多时价的菜式，不过也有很多是明码实价的。我开张名义已经申明呢餐饭系唔会有冻蟹同鲍参翅肚的，大家不要心存幻想！今天“宴请”的小主角其实是半个潮州人，不过小朋友并不知道潮州菜食D乜，但是她的记忆里面有一样嘢，糖醋面。
读完“书”，开始点菜啦！第一味，烟鳝。不过侍应生说：“对唔住，这个没有。”这个是店的signature dish bo，点解会冇ga？ 咁，就唯有忘记它吧！好彩以下的都有：柠檬鸭汤、鹅片、石榴鸡、云耳浸胜瓜、蚝仔粥、糖醋面。其实我好想食马友鱼，不过我估他们不懂得欣赏马友鱼的味道！费事到时只有我一个人食，马友鱼油分重，一个人未必能KO，咁就唔好啦。菜单上有好多传统的潮州菜，不过今天D饭脚唔系合适人选，留待以后吧！
上菜程序有D错乱，第一味上的是胜瓜。胜瓜，我家的处理是皮只削掉棱的部分，口感会脆些，不过食肆的处理，通常是全削掉。这种菜式，不会做得不好吃。既然只有这碟𩠌，咁就起筷啦。好快脆，柠檬鸭来了，阿姐在分汤的时候，大赞炎炎夏日，这汤好，比胡椒猪肚汤更合适，冇咁燥。汤渣捞上来，是四分之一只鸭。咁我地就顺便教下D晚辈，柠檬是咸柠檬啊！你回家自家制作，不要搞错啊！
应该跑第一的鹅片来了！这样的名气老店，卤水不可能不ok，否则怎样经营几十年，不过刀工就差咗DD，片得唔系好靓仔，仲黐刀添，好在都系自己人食饭，如果是请客，就唔系几好啦，尴尬嘛。
饮下汤、食下瓜、食下鹅片，蚝仔粥来了，蚝仔细细粒，涨卜卜，里面还有香脆的方鱼碎，一窝粥，一人两碗，份量刚刚好。请亲戚食潮州菜，冇鲍参翅肚又冇冻蟹，咁都整番D吸睛菜式啦，石榴鸡，卖相一定得。又有一定的手艺，食得又睇得。
我地好忙咁食紧嘢，我身后有D扰攘，我冇后眼睇唔到，不过原来是伙计上错菜，后面那桌人拒绝了我地的糖醋面，搞咗一阵，我地终于讨回晚辈最想吃的糖醋面。应该还是用煎的方法来处理两面黄，有一份坚持！糖、醋就自便了，味道自己控制。
整顿饭下来，舒舒服服，味道及格以上，唔知道伙计点解唔俾功夫茶我开胃、解腻，开头冇，之后都冇，可能觉得我唔系 ga gi noun 挂。
环顾旁边的食客，老中青结伴而来，可能都是家庭聚会多。
埋单结帐，唔洗一千蚊，百物腾贵，我控制 “笔直”算系咁啦。食饭仲有飞行里数ga。一举两得，现在做事要多功能嘛！
张贴