亞玉冰室 (已結業)

今日一早有事要出去，返到元朗已经2点，本来谂住去南边围冬菇亭买外卖，好彩睇多次好似星期日系唔开，咁即时睇下外卖平台揾嘢食，决定帮衬亚玉冰室。家人被卜卜蚬茄汤乌冬吸引，卜卜蚬鲜甜，份量亦唔少，茄汤够浓，食完又无特别口渴，呢个推介！而冻朱古力就太甜。我就叫咗个怀旧冰室杂扒饭，鸡扒美味，荷包蛋亦OK, 猪扒有小小韧，不过胜在够大块，肠仔同火腿都OK，配上茄汁，夏天都几开胃。冻柠茶走甜够茶味。整体食物的质素满意，推介及会再帮衬。不过今日外卖平台足足用咗1个钟25分送餐，虽然未必关餐厅事，仅供参考。食物美味，但服务欠佳 (迟大到)，所以总结系一般。