君祿海南雞

营业中

休息中

废话不多讲，试左 - 冇骨海南鸡饭 ，饭要了黄姜饭，另附有一个紫菜汤，两款酱汁，打开享用，黄姜饭面上还有一粒车厘茄和 一片青瓜，左面有一大行姜葱蓉，目测不同一般烧腊既姜葱蓉，葱粒特别幼细均匀之外唔多见有姜。先试紫菜汤，紫菜是切成幼丝形状的，带咸味但不咸，对我来说附汤是bonus一向不考虑味道，功能性可以补充一点纤维。鸡有约6-7块大小不一的，入口，不鞋不死实，己经加分，肉质算嫩滑偏淋，鸡味唔算话明显，唔好谂住廿年前你妈妈街市买只郁既新鲜鸡整白切咁既鲜香。但食得出一定唔系雪好多日果种，重点是冇骨啖啖肉吃得非常爽。部位主要系鸡胸同埋鸡脾部分起出来既肉，好过一般烧腊档果种鞋死实。两款酱汁一款是泰式甜酸汁，甜酸几明显，可以间中沾落鸡肉转换一下口味，不过戒糖或生酮既人慎沾，一款未有机会试，因为家人以为是豉油拿走了。。黄姜饭唔油有淡淡香味，带咸味但唔会死咸，姜葱蓉都系比较清新唔会死咸，比我印象，厨师控制唔过咸唔过油非常到位，很适合偏好raw food健康清淡口味既人，最后吃埋车厘茄青瓜，一粒一片质素都唔hea，感受到呢间店幼细之处。呢区外卖呢个价钱质素，低调地吃吧，下次会试其他。