百好素食 (已結業)

呢次应该系第一次同朋友去素菜馆聚会, 记忆中, 同家人去食素已经系好细个o既事, 最有印象o既素菜系芋头鱼同斋卤味~朋友介绍话呢间素菜馆好多明星帮衬~~当日8点左右到逹, 唔使等位, 斋舖入面都唔满座, 门口贴满明星相~ 果然真系好多明星帮衬~~一行6人点左︰鱼生拼盘, 芋头鱼, 糖醋肉排, 炸蜜瓜奶, 沙拉海鲜卷 ,金银蛋菜以上o既菜名都唔系准确XD鱼生拼盘-认真麻麻地... 同大x然素食差好好好远, 但价钱唔平... 成个拼盘得两个款系似鱼生, 其他o个d好似魔芋之类o既野, 口感唔适合做鱼生。芋头鱼-好好味, 我地唔食开斋o既人至爱, 炸得松化唔油腻。糖醋肉排-都ok, 个汁校得唔错。炸蜜瓜奶-好好食~炸浆够脆唔厚。沙拉海鲜卷-唔好食>.< 个卷淋淋地, 入面d料食落口感麻麻地~金银蛋菜-ok除左芋头鱼, 每碟𩠌o既份量唔算太多, 其实大家食完唔太饱, 但又觉得啲野食一般唔想再叫多个𩠌,最后决定留肚去糖水店食甜品~埋单每人竟然都要百几蚊, 觉得唔太值得, 果然系明星食府, 贵夹唔太饱, 味道一般, 应该无下次。