韓流村 (已結業)

又系韩烧既时间啦，最近都仲系迷恋韩烧，相约姊妹3人去左韩流村，天寒地冻围住烧下烧下不知几happy。个牛肋骨肉真系好林，好香好软，烧到7成即食，正到冇朋友啊！最重要佢调味唔太浓，唔会盖过哂啲肉味，会encore .... yeah (^_-)烧肉一定要碟菜平衡下，冇乜特别但都要食 （爆）呢个腌酱猪腩肉太薄啦！从未食过咁薄咁瘦既腩肉，烧起上黎真系太痴鉄板，太瘦啦，有点鞋口，唔中意呢个，如果厚啲肥啲好好多啦！今次个猪皮烧到我hihi，不停弹油，吓到我死，点黄豆粉食烟unun的，胜在一条毛都冇够干净，但我就一般般中意食猪皮啫。牛大肠。。。哗，成抽肥膏黎咋㖞，咁大抽野烧到手指头咁细先食，讲真，我唔识欣赏，感觉好肥腻好油，加埋个卖相。。。-_-#朋友们中意食酱油蟹，其实我都中意既，不过早阵子见到疯传一条片蟹有虫，或多或少都有点惊惊，细心check过之后见正常就食左一件，好鲜甜多膏，个汁唔算太咸，都几正啊！酱油蟹当然要配紫菜白饭啦！点埋啲汁食到饱饱。唔知点解咁中意食紫菜饭呢，其实有乜咁好食呢（笑）。