老虎堂黑糖專売 (已結業)

今日途经APM嘅时候发现有好多人排队，一望之下原来系开左间老虎堂，之前听人讲就听得多，于是决定一试。排队期间已经闻到飘来一阵香气，埋到去我叫左一杯虎虎生风厚鲜奶，因为我想试晒两款珍珠(波霸+珍珠)，行左一阵商场返黎就有得拎，店员提醒饮之前先摇均，第一啖入口，feel到顺滑嘅口感，继而就饮到浓郁嘅奶香，之后再感受到微微嘅黑糖味，慢慢开始饮到底下D波霸同珍珠，珍珠比较细粒，质地实净一D，本身无乜味道，纯粹烟烟韧韧。波霸就好大粒，但就煮得比较软身，本身已经带有黑糖甜味，我自己好钟意。成杯野饮完唔会觉得腻，只会嫌唔够喉。