李家 (已搬遷) 新店位置

中秋节两三点同朋友行完海旁谂住去李家食宵夜 嗌左佢嘅辣炒芝士年糕鸡肉 鸡肉真系好难食好谐好硬仲有阵雪鸡味 不过拉芝系几好嘅可以拉到超高 听人讲佢嘅炸鸡同蛋卷系最出名 但如果炸鸡都系咁嘅肉质真系不了不了 重点系呢度服务真系好差 食到一半个女侍应话太多人迫我地调位 我同佢讲个度隔离枱好大阵烟味好辛苦想坐远啲 佢劲西面咁话下冇位㖞 周围都系咁总之你地坐过去啦就赶我地过去 我都明虽然实施左室内禁烟 但凌晨时分好多餐厅都有客人吸烟 但咁差劣嘅态度真系接受唔到 起码都讲句唔好意思啦 之后因为太大阵烟味我地顶唔顺唯有叫另外个侍应叔叔俾个盒我地拎走 总结黎讲食物差态度差 本身打算再黎试蛋卷同炸鸡 但发现名不副实 中过一次伏我谂以后真系未必会再帮衬 或者考虑帮衬其他分店