四姐川菜

营业中

休息中

今次系我第一次食私房菜，仲要食四川菜，但系我第一次觉得食辣系一件好满足嘅事情。餐厅以人数决定前菜和主菜的数量。今次我同我女朋友去，所以可以选择两个凉菜同三个热菜。四川凉面一试难忘，面条较幼身，与花生、花椒和䓤花拌匀后令口感更丰富。食第一啖时最先觉得不太辣，但辣油后劲凌励，非常过瘾，可谓最难忘的一道菜。蒜泥白肉蒜味好重，但系唔会好似谭仔咁好多蒜泥铺系白肉上面，我认为以上做法几好因为我不太喜欢蒜泥嘅口感。川式椒盐虾非常干身，可以连谷食，非常惹味。第一眼见到锅水煮鱼有啲吓亲，原来有咁多辣椒。鱼非常软嫩而且分量多，最先感受「麻」的感觉，然后香辣随之而来，层次分明。大豆芽及红薯粉吸收晒辣汁嘅精华，令我越辣越想食，犬其是红薯粉，非常弹牙滑溜。糖醋里脊酸酸甜甜，同咕噜肉十分相似。唯一分别在于里脊肉身比较瘦，里脊外皮炸得脆口，做到外脆内嫩既效果，加上甜酸汁更加惹味。套餐更会附送炒青菜，非常清新，稍为平衡以上菜式既辣，为今餐画上一个完美嘅句号。每位$340但可以食到五道好味份量又够嘅菜式，真系超值。