麵包空間

营业中

休息中

话说早几日晏昼同个老友经过何文田爱民邨，见到有间面包舖，见到个舖面都非常企理，就入去八卦吓，点知有惊喜。你哋有冇见过或者听过有种包叫做「饺子包」？小弟孤陋寡闻第一次见，仲特登去请教Google大神添。既然未见过，就买番个嚟试下。一啖咬落去，入面系有好丰富嘅忌廉芝士，因为个包本身系比较软身，配合埋忌廉芝士简直好味到不得了。价钱又公道，咁足料都系讲紧$14，都真系好均真。至于点解个面包嘅质地会咁柔软同埋有弹性，我估计同佢哋嘅面包系用咗「汤种法」制作有关系，因为我喺舖头入面都见到唔止一次出现「汤种」呢个字眼。等我再一次问咗google大神之后，我先知道原来「汤种法」系一种日本传统嘅烘焙技术。运用呢种技术，面包嘅水份会增加，亦都会令到质地更加有弹性同埋柔软。原来系用咗特别嘅方法炮制，怪唔知得同平时食开嘅面包有咁大分别啦。我老友仲搞笑，见我食得咁滋味，即刻掉番转头话要买番个试下。佢食完之后都非常认同呢个「饺子包」，仲买多两个俾屋企人试吓，知你锡屋企人啦老友。