牛八両 (已結業)

有次行开商场经过呢间餐厅，见到火锅底有香茅咸柠胡椒汤，觉得好新奇，已决定揾日去试下，见到Openrice订座有88折优惠，当然趁机试下！本身贪心嘅我地想一次过试两个汤底，鸳鸯锅汤底收费系两个汤底价钱加埋，觉得有点唔抵，所以今次只系试香茅咸柠胡椒汤呢个。落单时，feel到waiter同waitress好似新新地，回答唔算好肯定，餐厅有边几款啤酒都好似唔清楚咁，之后有个senior（/manager??)就明显熟悉好多，同我地讲解同推介汤底同牛我地最后拣左个二人platter，谂住一次过试到8款，我地最钟意嘅系牛颈脊同牛小排，汤底方面我觉得都唔错，值得试下，胡椒同咸柠檬唔会有其中一边抢晒镜，都几得意，另外我地仲叫左个蔬菜盘，两个人黎讲份量岩岩好，如果胃口再大少少嘅可以叫多个乌冬嘅！