漁品酸菜魚火鍋放題 (已結業)

老远去到大围，同朋友相聚嘅时候就去咗打边炉!今次试嘅系任食酸菜鱼打边炉。一上到去空间感都几大，最期待嘅当然系佢哋嘅酸菜鱼啦! 一人只系$275 +1，就可以坐咗几个钟一路倾偈一路食嘢一路饮酒! 食物方面仼食其有几款嘅，有刺身，前菜小食，酸菜鱼/水煮鱼,再有打边炉再配上任饮，物超所值! 刺身比想像中新鲜，有我最中意既带子同海胆。新颖嘅系海胆系配四州紫菜😂😂😂前菜小食就系可以食少啲都得，试吓无妨!特别啲嘅系鸳鸯苦瓜，识落冇苦味仲有淡淡的香味。主菜有酸菜鱼，水煮鱼同埋辣子鸡。我哋今次就试咗酸菜鱼同埋水煮鱼，酸菜鱼里面已经有粉皮酸菜云耳又唔系好辣，对于我呢啲食唔到辣但又好钟意食酸菜鱼嘅人就最啱啦！饮品方面有嘉士伯有茶有汽水，都满足到唔同朋友嘅选择。服务方面呢其实侍应都好快手，虽然中间会唔记得，但你提佢嘅时候都好有礼貌! 😁😁今次呢间系一间惊喜，下次同朋友相聚喺大围亦都可以一试😆