鄭​師姐泰式素食私房菜 (已搬遷) 新店位置

今日初一食斋，所以揾咗好多地方睇吓有无素菜食，但好多都试过，突然醒起有一间泰式素食私房菜，一于上去试吓，而且佢哋会安排好晒食乜嘢，唔使谂，价钱每位$160。上到去以为今日会好多人，好彩唔系，可能始终是楼上舖。入去坐低上菜速度好快，先嚟素义烧，两人份量都俾得几多，味道ok，再嚟串烧，这碟都系几好食的，之后上个冬阴公汤，这个比较辣，但都ok，之后再上生菜包及菠萝炒饭，这两个唔好食，饭冻的，生菜包啲假肉唔多好食，无乜味唔知食紧乜。之后再嚟生果沙律、春卷、叻沙粉、紫米糖水都好食，但芒果糯米饭就一般啦，芒果唔甜。上菜速度极之快，食完可能都系一个钟，而二人份量足够，食完糖水都饱到飞起，而每人$160蚊，我觉得。。。好处唔使谂乜叫，佢安排好晒，而且款式多。两个人就$320，好似又。。。如果你一餐饭想食好多款式嘅食物，这是好嘅，但如你想质素好的，两个人$320可以有其他素食选择。