黃金廚房

营业中

休息中

今晚本来约咗大哥深水埗晚饭，但大哥突然有工作要去屯门，所以取消深水埗晚饭。但旧铺邻居韩国 John，突然通知我佢约咗 Matthew 晚饭，知道我返咗铺头所以叫埋我，话一齐去去火锅。八点半在我铺头会合，一齐行到黄金数码广场，连食店名称都未知就上楼，入座经几位侍应阿姐介绍，三个人都食粥底蒸气火锅， Matthew  话事选择淮山粥底。先点叫咗日本鱼生拼盘、有三文鱼、北寄贝、八爪角、及鲭鱼。另叫咗生蚝、龙虾、带子、扇贝、及鲜虾。另任叫和牛粒、肥牛片、猪颈肉、虾丸、鲮鱼滑、蚬、马拉糕、粟米、及胜瓜等等。海鲜每人都有限额，点完食完次后就唔可以任点。任点只有一般牛肉、猪肉、丸类、瓜类蔬菜及糕点，大家要注意 !海鲜拼盘有专人服务，会用计时器限定某类食物时间，服务不错。但十点后可能有好多员工收工，所以之后服务就差一啲，漏咗一张餐选单几样食物。之后向经理反映，要重新填写点菜单，但好快就上枱，可谅解 ! 现场环境干净企理唔错，座位宽敞舒适，餐具都干净洁新，有预一个大碗放骨及海鲜壳等等 ! 洗手间都算大格数多，卫生亦都唔错。饮品要另外计钱，所以我哋都冇额外叫其他饮品。最后每人食粥底一碗，味道一般。今餐韩国