影片
更多
2013-08-14
17 浏览
今次系我第一次参加试食会虽然平时都食开金牌小龙,不过只限The One分店, 而之前亦因为返工地点食过皇室堡店...首先讲一下菜单: 原盅鸡汤,凉拌土干丝,金牌小笼包,生煎包,红烧猪手,红烧牛肉粗面,台式三杯鸡,朱古力小笼包因为系试食会,我唯有逐个逐个菜讲... 原盅鸡汤:平时每次都会叫,好清,无咩鸡油,够咸,肉够淋,唔梅...但系鸡肉食前最好一直浸住汤,如果唔系会好干 .饮落去好补,一定唔会系屋企煲到. 凉拌豆干丝:平时唔会叫既冷盘,好香麻油味.虽然好适合夏天叫,但无咩记忆点.如果唔系有vegetarian同行应该唔会特别叫. 金牌小笼包:包惯唔点任何调味料,先咬破包饮汤.再点醋...今次应该系最失手既一次小笼包汤既麻油太多,好似饮左啖麻油一样,无肉味既汤. 浪费左D猪后腿肉...但系整体黎讲够肉系好食既... 生煎包:好好食...系好好好好食...终于有另一样食物我下次会叫.咬开个包,啖啖肉,而且我真系食到肉汁啦.夏日热辣辣....仲要流出黎.我晕啦. 红烧猪手:平时唔系成日食猪手,但系今次竟然有得食.颜色好靓,味道都够,猪手个汁好似JELLY.虽然猪手唔系
虽然平时都食开金牌小龙,不过只限The One分店, 而之前亦因为返工地点食过皇室堡店...
首先讲一下菜单: 原盅鸡汤,凉拌土干丝,金牌小笼包,生煎包,红烧猪手,红烧牛肉粗面,台式三杯鸡,朱古力小笼包
因为系试食会,我唯有逐个逐个菜讲...
原盅鸡汤:平时每次都会叫,好清,无咩鸡油,够咸,肉够淋,唔梅...
但系鸡肉食前最好一直浸住汤,如果唔系会好干 .饮落去好补,一定唔会系屋企煲到.
凉拌豆干丝:平时唔会叫既冷盘,好香麻油味.虽然好适合夏天叫,但无咩记忆点.如果唔系有vegetarian同行应该唔会特别叫.
金牌小笼包:包惯唔点任何调味料,先咬破包饮汤.再点醋...今次应该系最失手既一次小笼包
汤既麻油太多,好似饮左啖麻油一样,无肉味既汤.
浪费左D猪后腿肉...
但系整体黎讲够肉系好食既...
生煎包:好好食...系好好好好食...终于有另一样食物我下次会叫.
咬开个包,啖啖肉,而且我真系食到肉汁啦.
夏日热辣辣....仲要流出黎.我晕啦.
红烧猪手:平时唔系成日食猪手,但系今次竟然有得食.颜色好靓,味道都够,猪手个汁好似JELLY.
虽然猪手唔系好淋,但系咁更加觉得自己食左好多骨胶原.
红烧牛肉粗面:平时叫担担面都系幼既,第一次知道原来金牌小龙有粗面牛肉面有3块牛展,可惜3块都厚度不一,所以刀工有待改善
至于粗都系即拉既,口感有d似硬左既香口胶,但系都几得意既...
应该系佢既销售对象唔系我...不过佢d咸酸菜配面就真系几正
台式三杯鸡:三杯鸡自己都整过,但系佢今次三杯鸡系比平时既唔同 -- 佢既做法系似炒多d,上菜时仲会咋咋声...好入味,可以话系太入味.因为既甜又辣,好惹味,最好配饭食.
但系好多碎骨,食既时候要小心d
下次我都可能会再试,不过就一定会叫返个饭 .
朱古力小笼包:我系甜品爱好者,所以对甜品有d要求(而且我今次参加主要系想会一会朱古力小笼包)但系我好失望
朱古力要隔水溶系常识,我相信所有餐厅都有做
但系朱古力调温方面都好重要,做得好朱古力应该有光泽,滑身.
但系今次食到既朱古力无错系好浓,但系就一粒粒
而且小笼包既皮太厚又无味,我明白要遮盖朱古力既颜色系好难,
但系可以考虑落糖,加左味道,或许就唔会咁觉佢既厚度.
因为我一次过食,朱古力味都遮唔到佢既厚
如果要推出市面,我唔会特别叫,所以there is a long way to go
最后职员帮我地encore左朱古力小笼包,但系我个粒有条毛系底我讲左d咩,你地自己参透下啦
我觉得今次试食会都唔错,可以知道多d餐厅材料既资料,不过下次我去返The One食先..
张贴
