泰亭 (已結業)

放工后同朋友食饭，佢提议呢间餐厅。无问题吖，还掂我都未试过。七点前入座嘅好处系可以自己拣坐边张枱，我同朋友就坐咗最入面嘅半卡座，贪佢够静可以食住倾(倾住食？)菜牌价钱唔太贵，都系六七十蚊起。朋友食过话份量系细少少，所以我哋两位女士连甜品都叫咗五样。泰式金柚沙律 - 金柚肉多又甜，系令人食到好开胃嘅前菜。炭烧猪颈肉 - 猪颈肉好冧，配埋个酸酸哋嘅酱无咁肥腻，食多几旧都得，只不过唔似系炭烧啫。蒜蓉炒椰菜苗 - 正正常常一碟菜，不过就唔多似苗。味道对我嚟讲有啲重，蒜同盐都略多。炸虾饼 - 好有虾味，又够弹牙，好好味。炸到外皮有啲脆，上枱时系热到食唔倒嘅，要摊一阵先可以入口。芒果糯米饭 - 好多芒果，暖暖哋嘅糯米饭够软熟。唯独系我觉得椰酱好似稀咗少少。第一次食，样样都好味，下次嚟可以再试其他食物。