baby café (已結業)

同妈妈行完街差唔多9点，见baby cafe未收工又冇乜人，新开之后又未食过，就入去试下啦。初初都担心名人效应，会唔会同食物味道有出入呢....2个人，叫左5样食物试下！牛尾汤：麻麻地，有少少苦味，而且唔热。烧鸡凯撒沙律：沙律菜好爽脆清甜，烧鸡肉烧烤度略嫌不足，有点干。蜜糖鸡翼：皮脆，蜜糖味浓，好味！焗蚝：我冇食，妈妈话d汁好特别，蚝都新鲜好味。忌廉蟹肉蘑菇意大利饭：饭硬左少少，但几入味，上面个大蘑菇煎过好香有咬口，蟹肉好creamy，卖相亦几靓。服务员都好客气有礼，环境几干净整洁，会再次帮衬试埋其他食品。