快樂蜂 (亞皆老街)

营业中

休息中

一直知道快乐蜂深受欢迎，但分店太少，一直都冇抽时间试。直到早前心血来潮想食炸鸡，去另一间炸鸡快餐连锁店时…哇，竟然连又柴又冇肉嘅排骨位都拎出嚟奉客，真系忍唔住食另一间好过。今次试的tea set包一杯汽水、炸鸡脾、忌廉汤粉，只系$25。鸡肉的确嫩滑多汁，虽然炸鸡皮偏冧，但整体都好味过某连锁店。点鸡肉的汁，淡口冇特别味道。忌廉汤粉份量不多，但味道算OK。另外叫咗一件$9呑拿鱼卷，脆身，但肉酱感觉太溶。