Fleur (翩滙坊) (已結業)

星期日同朋友一齐去食lunch，去左间我地都想试既餐厅，要彼此诉苦慰藉一番。适逢佢有join restaurant week，book左1:00黎食，但一定要食佢既menu，$148+1/人，好抵食。是日餐汤系番茄汤，番茄打成蓉变糊状，味道酸酸地，都大碗。Avo Lover (牛油果，自家制腌刁草加拿大三文鱼，干葱牛油果他他大阪烧，溏心蛋，红菜头沙律酱，食用花)份量无因为Restaurant week而变少，一样都甘足料，有三款牛油果，牛油果新鲜，最好食系干葱牛油果他他大阪烧，有大阪烧增添咸香味，味道无甘寡，另一款酿左啲虾系牛油果入面，都好食。Fleur Lover (松饼，忌廉，新鲜杂莓生果，坚果，有机枫树糖浆，食用花)比想像中大份，松饼无沾到忌廉似食紧蛋糕，沾到忌廉就似食紧面包布甸，卖相精致得黎又好食，满意。最后仲有布朗尼，焗热既布朗尼溶溶地，唔错。