Boaz House

营业中

休息中

荃湾悦来酒店有间以色列餐厅，一入餐厅就见到餐厅有幅花墙好适合打卡。餐厅嘅座椅都用上湖水蓝嘅颜色，好似去咗地中海嘅感觉。第一次食以色列菜，样样都想试下，叫个二人套餐$368 有是日餐汤、前菜、主菜、意粉饭类、精选甜品、饮品。▪️是日餐汤餐汤系加入咗鹰嘴豆嘅杂菜汤，饮落味道清新。▪️鹰嘴豆蔬菜球将鹰嘴豆磨成泥球，再配上蔬菜，配埋芝麻酱汁，食落更香口美味。沙律菜新鲜爽口。▪️以色列炸鸡炸鸡份量都几多，有10几旧，外皮炸到好脆好香口，再加埋食落带微酸嘅石榴籽、芝麻酱汁，食落更惹味，食完鸡都开始饱饱地😂。▪️香浓咖喱牛肉中东米饭中东米身形状比较长，同我哋平时食嘅泰国米、珍珠米有啲唔同，口感比较硬少少。牛肉软腍，配埋香浓嘅咖喱都几惹味，但如果咖喱酱汁多少少会更好。▪️以色列甜甜圈甜甜圈口感松软，玫瑰酱嘅花香味好香，加埋糖酱食落都唔会觉得好甜，几好味。▪️草莓爆柠冰茶听到爆柠都会觉得好酸，但佢一啲都唔酸，又唔会好甜，天气炎热饮返杯水果冰茶就啱晒，绝对透心凉。▪️以色列石榴茶石榴茶茶味唔会好甜，饮落好香口。