閩南面線糊

营业中

休息中

朋友住嘅屋苑附近新开咗间闽南菜馆 - 闽南面线糊，叫我一齐去试吓。我哋叫咗以下菜式。蚝仔煎：佢同我哋平时食开嘅炸蚝饼唔一样。平时我哋一般食开嘅炸蚝饼都系脆口嘅。但佢呢个闽南菜嘅蚝仔煎，系加咗地瓜粉落去粉浆入边，咬落去烟烟韧韧嘅，好有惊喜。蚝仔新鲜肥美，而且清洗得好干净。糖醋排骨：呢款闽南式嘅糖醋排骨同我哋一般食嘅上海糖醋排骨都好唔同。平时食开上海式嘅会有比较杰身嘅黑醋喺表面，而呢个闽南式既系用上比较稀身浅色嘅糖醋。个人觉得闽南式嘅糖醋排骨更加食得出排骨既肉香味。牛头狮：其实就系牛杂火锅。入边有好多种唔同嘅材料，包括牛筋，牛丸，牛肚，牛舌，牛肠，豆腐，白萝卜等等。各款牛杂都清洗得好干净，冇怪味。牛筋爽口，牛丸弹牙，白萝卜入味冇渣。个汤底都好清甜。我哋另外仲加咗个生菜同娃娃菜，啲菜都好新鲜清甜。配埋可乐就Perfect喇。