夏麵館 (寶石大廈) (已結業)

我本身都好钟意食上海菜，平时想食既时候往往上海餐厅都要等位排长龙而被迫放弃，刚好比我发现开左分店系公司附近，所以放工叫朋友过黎一齐食饭，谂住闲日无咁多人等位就唔洗等到颈都长。去到店门唔见有人龙，幸运地唔洗等即刻可以入座。店内都用新派时尚既装修，楼底特别高，座位都较阔落，感觉舒服得多同空间感好大。点餐系自己写纸落单，依度出名食蟹黄，店员话蟹黄系列菜式有折扣优惠，我地都毫不犹豫叫左款试下，另外仲有二、四、六人套餐供选择，啱哂D唔想烦又怕左谂右谂既客人。花雕醉鸡: 离远已闻到好香花雕酒味，鸡件肉质嫩滑同好冧身，酒味浸透鸡肉内，每食依道菜都好似饮左酒咁，味道几浓鲜肉小笼包: 一笼有四粒，未食已经望到皮好薄同好透，好多汤汁系入面，沾少少醋食，食落比平时食既特别，一般食到既小笼包都以咸为主，但佢依度既小笼包食落带少许甜味，好特别同好好味，咬一啖已经溢出满满既汤汁糖醋鱼块: 卖相同一般小菜咕噜肉好相似，估唔到份量都几多，一碟有七至八件鱼块，鱼块大件啖啖肉，皮脆肉滑，糖醋汁酸甜味道适中，捞饭食一流蟹粉豆腐煲: 豆腐质感好滑，好重蟹粉味，芡汁入面仲有蟹肉同蟹黄，好足料，再落左少少醋，令整个味道好