米線陣 (樂富廣場A區)

营业中

休息中

今日晏昼唔知食乜，12点几行过米线阵，心谂咁热食啲湿湿地嘅嘢都好，咁就入咗去食米线。入到去，等咗一两分钟就有人嚟招呼，问我坐高台介唔介意，因唔想等好耐位就选择坐高台，但都要等一阵先安排到位。入到去服务员小姐比咗两个餐牌比我，因唔想烦，所以就拣咗食餐，3个套餐里面见啲配𩠌都系啲大路嘢，但个叻沙汤较少见啲，所以要咗一份。配𩠌系鸡肉同鱼腐，鸡肉好大件，足料，但亦因为大件而不入味，整体件鸡都算滑，但较淡。鱼腐弹牙，汤底都够味，但成碗米线最出色反而系啲豆卜，吸咗啲叻沙汤，好味! 米线同跟餐杯奶茶不过不失，但份量足，我个米线最终都食唔哂。$40几蚊，合格。可以有一次。