彭慶記

营业中

休息中

上OpenRice见到8月份推介的彭庆记，专登走去一试。由于唔识路，系跑马地揾左好耐都未揾到，book左台都迟左到，好彩当时唔多人，到我地走的时间就有一堆人系度等位。就咁睇门面就是普通食小菜的餐厅，好细间唔多台，有几台系俾熟客book左，视线范围内的食客大多是上了年纪的或是中年人。 是日例汤唔记得系咩汤，只记得系老火汤，很有住家的感觉。 士多啤梨生炒骨 -- 慕名而来就系为左食呢道菜，果然无令我地失望，非常好味，士多啤梨一d 都唔酸，甜甜地又唔会抢走生炒骨的肉香，味道夹到啱啱好。食完之后印象深刻。 蒜香鸡 -- 好香的蒜头，鸡肉唔鞋，都几嫩滑，调味方面可以做得更好。 椒盐豆腐 -- 好滑的豆腐，炸得脆之余又唔会太硬，口感都几好，惜味道较淡，好似食紧无味炸豆腐一样。