堅信號上海生煎皇 (新達廣場)

营业中

休息中

知道呢间餐厅有好多分店，主打生煎包。我开头以为系一间净系有生煎包食嘅舖头，估唔到佢原来仲有小菜，餐饭嘅选择比我想像中多。用QR code落单，比较方便，可以慢慢拣。生煎包，入边有好多肉汁，上枱嘅时候唔算热到辣嘴𠮶种，觉得唔系即刻做好，不过冇办法，可能系一大锅一齐煎。并唔系几只几只咁样做。不过佢都系热嘅，包入边有汤汁，味道都唔错，不过略嫌个包嘅底部太硬，系硬而唔系脆。食咗两款小笼包，热嘅时候都系比较容易夹得烂，冻咗就唔会，不过我觉得系好食嘅，两款都好食。酸菜鱼比较普通，鱼肉冇味道，酸菜鱼唔酸又唔辣都唔麻。冇乜特色，不过份量都唔细。我个人觉得虫草花小笼包最好食，生煎包都可以试，酸菜鱼就唔需要试。喜欢我的食评请追踪，按赞，支持我继续为大家报道。