影片
更多
2017-07-11
2604 浏览
第一次写食评！从来冇食过咁九唔搭八既放题.....其实本身佢个价钱唔系贵！但见佢招牌比其他旧，谂住价钱唔贵都挨到咁耐食物质素应该唔差......点知就真系中伏！！首先嚟咗版14个几嘅海胆！👍🏻海胆系OK嘅甜嘅！但之后再睇睇𠮶啲食物选择就比较少！我只系推介返我食过算系好味的东西！有盐烧海虾，烧鸡软骨，烧菠萝，泰式酸辣凤爪，刺身既连头嘅虾，火锅嘅蔬菜菇类都新鲜既！之后到批评啦！天妇罗番薯𠮶旧番薯未炸熟透！刺身带子好似系熟嘅同超薄！希零鱼又好似系熟得黎腥腥地。寿司方面要咗件花之恋，但系用三文鱼腩包既啰！仲有个绿茶芒果加州卷！第一次来好正常，但加单之后变咗劲大旧白饭有芒果嘅加州卷，面头有一大劈沙律酱，绿茶完全唔见咗！到㶽物方面，叫咗个蕃茄薯仔牛尾汤底，成个边炉打完个牛尾都好似橡筋咁，叫咗啲蚬，但啲蚬已经系灼熟咗啰！啲芝士肠完全怪味啰！之后留单问题真系严重！乜嘢都留d，要既丸冇来，都唔知系好彩定唔好彩！冇要到嘅烧菠萝嚟咗！野饮同甜品唔算多选择！但系佢𠮶个所谓韩国雪条！黎左支由细食到大嘅朱古力味牛牛雪条🙄如果大家想一路无奈一路笑死一路突然食到俾你预期好味嘅野！最好来试吓啦！😂因为依餐饭我就系咁过！
从来冇食过咁九唔搭八既放题.....
其实本身佢个价钱唔系贵！
但见佢招牌比其他旧，谂住价钱唔贵都挨到咁耐食物质素应该唔差......点知就真系中伏！！
首先嚟咗版14个几嘅海胆！
👍🏻海胆系OK嘅甜嘅！
但之后再睇睇𠮶啲食物选择就比较少！
我只系推介返我食过算系好味的东西！
有盐烧海虾，烧鸡软骨，烧菠萝，泰式酸辣凤爪，刺身既连头嘅虾，火锅嘅蔬菜菇类都新鲜既！
之后到批评啦！天妇罗番薯𠮶旧番薯未炸熟透！刺身带子好似系熟嘅同超薄！希零鱼又好似系熟得黎腥腥地。
寿司方面要咗件花之恋，但系用三文鱼腩包既啰！仲有个绿茶芒果加州卷！第一次来好正常，但加单之后变咗劲大旧白饭有芒果嘅加州卷，面头有一大劈沙律酱，绿茶完全唔见咗！
到㶽物方面，叫咗个蕃茄薯仔牛尾汤底，成个边炉打完个牛尾都好似橡筋咁，叫咗啲蚬，但啲蚬已经系灼熟咗啰！啲芝士肠完全怪味啰！
之后留单问题真系严重！乜嘢都留d，要既丸冇来，都唔知系好彩定唔好彩！冇要到嘅烧菠萝嚟咗！
野饮同甜品唔算多选择！但系佢𠮶个所谓韩国雪条！黎左支由细食到大嘅朱古力味牛牛雪条🙄
如果大家想一路无奈一路笑死一路突然食到俾你预期好味嘅野！最好来试吓啦！😂因为依餐饭我就系咁过！
张贴