Tapas Brew (Mikiki)

营业中

休息中

今日嚟到位于新蒲岗嘅tapas brew，香港出咗名系美食天堂，但我一直都冇食过德国菜，今日终于有机会嚟试吓啦。一入门口已经见到充满欧陆风嘅布置，长身上边仲有德国嘅地图，俾人成个嘅风格就真系好似置身于外地一样，尤其而家冇得去旅行依种布置真系令人赏心悦目。咁首先我哋就叫咗一个肠仔嘅头盘，因为德国肠都算好出名，一上菜就觉得真系好抵食，因为每条肠都好巨型，不过佢有少少偏咸但都系好好食。之后就叫咗个烧鸡，先唔讲佢真系好大碟，佢嘅外观亦都好吸引睇到已经流晒口水，食落更加系不得了，因为真系外脆内软而且鸡都腌得好好味，最后就叫咗个海鲜饭，佢海鲜饭嘅汁亦都好出色而且虾好大只仲有虾膏添。总括而言，我觉得第一次食德国菜俾我嘅体验都真系好好。