老三油渣麵王

营业中

休息中

第一次食猪油渣面，衬呢个传统食品失传之前，点都要一尝旧日风味😋。呢间舖头嘅猪油渣面喺香港数一数二，佢嘅猪油渣系用黑毛猪肉榨油后嘅残渣做成，配上面条及汤头，摇身一边成为美味嘅食品。招牌猪油渣面$36猪油渣放喺汤上面避免浸腍，所以食嘅时候口感仍然脆卜卜，皮肉分明。汤底以烚萝卜水制成，加埋自家制蒜蓉、冬菜及辣菜脯一齐食，非常好飮又惹味。汤底可自选大中小辣，我就选择咗中辣。上海粗面质地弹牙有咬口，不会太腍。店内仲有好多美味食品，饺子、鱿鱼、鸡翼都系好受欢迎👏。