Moreish & Malt (鴻圖道) (已結業)

Evening差唔多天黑，但又要拿拿声食啲野再去APM睇戏，揾一揾附近有咩西餐未试过就来左呢度。格局OK，空间感几够，feel到都几新下。烩手撕猪肉三文治本身冇谂住order呢个架，服务生可能趁少人比较得闲就推介左呢个。一来到，哗劲多料！摆入口第一个感觉系好重味，猪肉腌得好够，味道偏咸，所以佢放左好多配料去balance返个味道，猪肉完全唔韧，系非常软，要一赞系个包外表似多士，但其实除左少少脆皮之外，其实系好软，食嘅时候都惊啲料会跌出来(笑)，份量方面就唔算大份，但可能佢料多，都几饱肚下，呢个dinner都可以order，系好正！温泉蛋凯撒沙律其实都唔算得上好特别，就算系配温泉蛋哩个组合啦，因为一般都系配三文鱼，冇话话个好边个唔好，都好食，口感大部份来自佢地自家制面包糠，好松脆，最好系一啖里面又有菜又面包又捞少少蛋汁咁，真掂，推介俾钟意salad ge同好！价钱就一般啦，唔平唔贵，地点都一般，但整体系满意，有机会会再来试埋个burger，到时再写，本篇完。