影片
更多
2020-10-17
118 浏览
星期六同几个朋友喺铜锣湾，上星期试过牛大人超有惊喜，今个星期想食放题，瀛丰，大瀛喜都满哂坐，竟然比我地见到满屋可以即时Walk In。满屋呢个名我细细个就听过，喺港岛读中学，细个出去铜锣湾食放题，都冇人会唔识呢一间嘢。喺一个有图有真相嘅时代，真系好抱歉，我只系影咗一张刺身相。讲返满屋入座食足两个钟，时间都够，但系甩单。佢哋都有啲海鲜，可以喺出面自己夹，有虾，蚬同翡翠螺都叫做够冻嘅。 仲有吓人嘅面包粒花枝丸。但佢都有够热嘅春卷同埋芋虾，仲有中华沙律呀，明太子、鸡翼(㶶味)、汤同菜畀你自己夹都叫做有啲热食。食放题就梗系食刺身都叫做基本刺身都有齐嘅，三文鱼、吞拿鱼，荣螺，虾都有两款， 但鲍片真系唔建议食啦。食完刺身，迎黎今晚嘅高潮。 首先登场嘅系有完全唔热嘅天妇罗，由脆鳝整成嘅烧鳗鱼，咸嘅西京烧，厚切唔辣嘅麻辣猪耳，冻咗嘅烧牛脷， 经历核爆烧到㶶晒嘅烧番薯仔。仲有唔热既海鲜粥，又肥又漏嘅花胶鸡， 见唔到象拔蚌嘅蜜糖豆炒象拔蚌，唔辣嘅豉椒炒蚬。至于寿司， 软壳蟹卷真系饱经沧桑。坦白讲我未试过食放题食到返到屋企都肚饿，满屋除咗多嘢饮拣之外，朋友话最好食系中华沙律，芝麻鸡翼， 同佢个包热嘅麦精同雪
满屋呢个名我细细个就听过，喺港岛读中学，细个出去铜锣湾食放题，都冇人会唔识呢一间嘢。
喺一个有图有真相嘅时代，真系好抱歉，我只系影咗一张刺身相。
讲返满屋入座食足两个钟，时间都够，但系甩单。佢哋都有啲海鲜，可以喺出面自己夹，有虾，蚬同翡翠螺都叫做够冻嘅。 仲有吓人嘅面包粒花枝丸。
但佢都有够热嘅春卷同埋芋虾，仲有中华沙律呀，明太子、鸡翼(㶶味)、汤同菜畀你自己夹都叫做有啲热食。
食放题就梗系食刺身都叫做基本刺身都有齐嘅，三文鱼、吞拿鱼，荣螺，虾都有两款， 但鲍片真系唔建议食啦。
食完刺身，迎黎今晚嘅高潮。 首先登场嘅系有完全唔热嘅天妇罗，由脆鳝整成嘅烧鳗鱼，咸嘅西京烧，厚切唔辣嘅麻辣猪耳，冻咗嘅烧牛脷， 经历核爆烧到㶶晒嘅烧番薯仔。
仲有唔热既海鲜粥，又肥又漏嘅花胶鸡， 见唔到象拔蚌嘅蜜糖豆炒象拔蚌，唔辣嘅豉椒炒蚬。至于寿司， 软壳蟹卷真系饱经沧桑。
坦白讲我未试过食放题食到返到屋企都肚饿，满屋除咗多嘢饮拣之外，朋友话最好食系中华沙律，芝麻鸡翼， 同佢个包热嘅麦精同雪糕，带子都叫大粒，虾都新鲜。
今晚呢餐我全程净系饮咗三罐道地乌龙茶，食咗少少刺身，食咗少少海鲜粥同西京烧，就无野再Encore，真系失望又失败。
唯一我觉得好食嘅就系佢个冻温泉蛋我食咗两碗。
张贴
