半熟工房 (已結業)

寻晚去左CWB行街, 食完饭打算搭车回家经过呢度又比佢吸左入去....本来有D想食只芝士挞, 但岩岩先食到好饱所以真系食唔落, 打算决定弃权兼走人既时候又比我眼尾"稍"到呢盒新野...原来出左款新口味半熟芝士蛋糕, 加左茶味! 感觉几创新...之前都未食过加左茶味既芝士蛋糕...一盒有五个茶味...玄米茶, 麦茶, 焙茶, 绿茶, 乌龙茶. 我之前成日买黄色盒既半熟芝士蛋糕食, 蛋糕卖相黎讲都系黄色盒靓D, 因为每件都金黄色闪令令咁. 而呢盒因为加左唔同既茶, 卖相都系黄黄啡啡绿绿咁, 望落去都较暗哑既...不过味道黎讲呢, 食落去又好正下, 五个茶味都好香, 每件除左有明显既个别茶香之外, 又唔会冇左阵芝士香味, 呢样真系好重要啦, 仲有蛋糕质感都系好滑溜同轻柔既...Overall我觉得呢盒同黄色盒各有各正, 想超级浓郁芝士味就拣黄色盒, 想有多D层次既香气就拣呢盒啦.